"Iṛumaniyen di Tefriqt n ugafa" tasuɣilt sɣur Ceɛvan At Ḥmed




Iṛumaniyen di Tefriqt n ugafa

Seg 146 ɣer 439 (Uq.s.ɛ)

*Tafriqt n yirumaniyen deg yillel n « Athlantique » alama d « sicile », deg lqarn wis « 3 » tesdukkel-d ddeqs n tmura ; Lmaruk, Lezzayer , Tunes , « Tripolitoine » Libya n tura; tafriqt-agi tlul-d s ddaw n laɛnaya n Qartaj « Carthage ».

Tuddsa n wakal :

ɣer lewhi 150 n yiseggasen uqbel Lmasiḥ.

« Mare Nostrum » : Simi id keccmen yiɛsekriwen i ṛumaniyen ɣer tefriqt n ugafa bdan yakan ttaṭfen ulzuz n yirden akk d wayen iccuden ɣer temḥaddit ; ur ɛeṭṭlen ara uɣalen d ssqef n umekud arumani.

Nezmer ad d-nini maci d Aɛraben id yesdukklen tafriqt n ugafa maca d Iṛumaniyen ; Tagelda-nnsen teṭṭef-d si « Tripoli » ɣer « Tanger » akk d Tunes d Lezzayer ... ɣer tgr .

Qartaj (Carthage) teɣli (-146) Iṛumaniyen ṭṭfen tamurt iwakken ur d ikeccem ara wegdud nniden ɣer tefriqt n ugafa. Ṭṭfen akk tiwwura n tmurt d yimukan ɛlayen.

Iṛumaniyen ṭṭfen kraḍet n tmurt n tunes ; i yuɣalen d ul n tefriqt.

Ar tura ulac akk ttbut n tekreḍt deg tefriqt, teqqim talwit-a azal n lqarn,ulac akk takreḍt.

*Akk d « César »(-48gher-44) tasartit taṛumanit d tin yettḥaraben ; taslekt tettwasexdem i lebni n yiɣerban yesseḥbibiren, imezdaɣ n tmurt ruhen amwid yeǧǧan tamurt, ma d imerkaniyen wwin akk lintrit seg wayen i xeddmen , tura zemmren ad sɛun tinekkit taṛumanit .

* Ṭṭrad ur yeḥbis ara di lezzayer, i wakken iṛumaniyen ad ḥebbsen tigrawliwin-agi wwten azal n 36 yiseggasen.

* « Auguste »(-26a14) ;Tlul-d tehrest di qartaj (carthage) ; tamurt terwi ar tura.

Iwakken ad rrẓen tanekra n Takfarinas (tacfarinas) (27 mba3d S.3) ; laqen-asen 07 n yiseggasen .

* 40(M.S.3) agellid aneggaru n Muritanya, yettwanɣa seddaw n Umizzwar n Caligula ; dɣa din tafriqt n ugafa teɣli ɣer ger yifassen n yiṛumaniyen ; teqqim azal n 5 n leqrun.

*Tamurt n Leqbayel tendeh deg-s tmes ṭṭrad ur yeḥbis ar tura (253 ar 260).

* 270 d tanekkra n « Aradion »

*Di 289 tamurt n leqbayel teɣli i wazal n 4 n yiseggasen, iṛumaniyen wwin aṭas n teqbilin n tmurt yid-sen .

* Di 320-330 d taɣewɣa n (les Danatistes) akk d (les circonallions) ; di temdint n timgad .

* 373-375d tuɣalin n « Firmus » .

* Di 396-398 d tuɣalin n « Gildon »(369-398)

Di tazwara n teslekt xelḍen yiḍelsan iṛumaniyen d wid n yifriqen, ddren di talwit.

* « Tripolitaine » akk d Tunes tigi keccment mliḥ deg yidles d laɛwayed n Ṛum ; uɣalen amzun d yiwen ; lezzayer d lmaruk ula d nutenti keccment deg tudert taṛumanit ; grran-d kan yirifiyen d yiqbayliyen id mazal d imzarugen.

Tadbelt :

Ulac tafriqt taṛumanit , d awal kan. Qartaj d tamdint iɛemmren aṭas, semman-as Tamanaɣt n umenkud arumani; di tidet ur telli ara d tamanaɣt deg timawit kan.

Adabu n Rum yebda yettlal-d ; Aɣref yettwagnes s « le Sénat (S.P.Q.R.) »

Ih illant snat n temnadin.

Yiwet tettwaḥkem s sénatriales, i tid yettsemmin d « le Sénat », isurdiyen-nsen ttruḥen ɣer ugerruj Aɣerfan

Tayeɣ « impériales » tettwaḥkem s yiwen umdan i tid yettsemmin d Agellid n Rum ; idrimen i asen-id-ikeččmen ttruḥen ɣer ugerruj aɣlnaw n Rum.

Tafriqt n Ugafa tura tuɣal seddaw laɛnaya n Rum, Tunes, Tripolitaine akk d Lezzayer.

Grant-d kan Tbessa d Lambiz ; Muritaniya cesarienne d tukkist seg yisem n tmamaɣt-is Caesarea (Cherchel).

Tiqqermi :

Rum warǧin i tessexdem tadbelt-is ; tga-d yiwen n wahil i tefriqt n ugafa iwakken ad tesseddu, taɣdemt d tdamsa akken iwata ; ihi thegga-d ahil i wesbeddi n yikattaren ;takatra-agi tebna akka :

-Pérégrins ; Tettwaḥkem s Lamin n teqbilt, akk d kra n yiɛeyyalen ; ilugan-is wwin-tent-id si Qartaj (Carthage).

-Aɣerman ɣur-s azref ad yesɛu tanekkit tarumanit segmi ad yettwasemi d akattar neɣ d aqeddac arumani.

-Aɣerman yezmer daɣen ad yesɛu tinekkit taruma segmi ara yesɛu assaɣ ɣer tlatinit.

-Llan daɣen yimnayen.

-Akk d les Sénateurs.

Ttsemmin timdin ɣef leḥsab n yimdanen imnekcamen, asemmi n temdinin-a yettilid ɣef laḥsab n umedya-a :

- Colonia Augusta Agrippinensis ; Cologne.

- Colonia Augusta Nemaurus, Nîmes … ɣer tgr

Tihras-a d tiɣermanin, ttakent akal i yimezdaɣ iqburen . irumaniyen ttɣerrimen akalen-a s sin n wudmawen :

- Tahrest tarumanit ; wid yesɛan azref n tiqqermi n yirumaniyen.

- Tahrest Talatinit (colonia juris latini), akk d tiqqermiwin ixelḍen( irumaniyen d yilatiniyen) .

Di tegnit-a, tisutwin id yettlalen di snat n tihras-a mkul wa yettawi azref n tnekkit-is ɣer tehrest i deg d ilul, yella ɣer irumaniyen, ad yawi tarumanit ma yella ɣer yilatiniyen ad yawi talatinit. Ma yella yiwen ilul di tehrest talatinit netta deg uzar-is yesɛa assaɣ ɣer yirumaniyen ad yawwi kan talatinit-nni, ur yesɛi ara azref akken ad ten-yawi i snat.

Ignan

Llan aṭas n yiɣallen n laman i rumaniyen, llan wid yella d irumaniyen di tnaṣlit, llan daɣen wiyaḍ d tikci i asen-fkan tinekkit tarumanit .

Iɣallen n rum llan azal n 27 000 d aterras ; iserdasen-a bḍan s wudem-a :

-Takreḍt ulac, maca « le Proconsul », teddun yid-s wid yettḥaraben fell-as, azal n 500 n yiɛsekriwen.

- Di Numidya, agraw wis kraḍ « légion 3 », d imdanen yettudarben aṭas, tahuski-nsen macci d izli, d tiɣemmar, leḥḥun kan ɣef uḍar, yerna aṭas yid-sen azal n 5500 d aterras.

- Ma yella di snat n Muritanyat iserdasen id yettbanen maci d kra aṭas yid-sen azal n 15 000.

Ccwi kan tella telwit ulac takre ḍ t, talwit-agi maci d irumaniyen itt-id-yewwin maca d imaziɣen-nni i yeddan akk d Rum.

Tadamsa

Iqartajiyen ṭṭfen akk ulzuz n tmurt, ama di ṭṭjara ama di tfellaḥt, ɣer yirumaniyen yella kan yiwen n wadeg i ɣer ttawin tagella-nsen d Rum .

Liman

Tasertit tarumanit tesdukkel akk ayen i si yettamen umdan, di tallit-nni llan wid yettamnen s waṭas n temsal d waṭas n yirebbiten, Md llan wid yettamnen s tmes, s waman s yizṛa, s yiṭij… ɣer tgr .

Maca di taggara tafriqt n ugafa tughal d tamasihit acku sant Augustin yewwi-d izen n lmasih gher tmurt, izre3-it di yak timnadhin.

Tutlayt

Tutlayt tunṣibt d talatinit, tettwasexdem di tsertit, di tedbelt, deg waṭas n yimeḍqan nniḍen, ma yella ur tt-tessineḍ ara amzun akken txusseḍ di tusna.

Tamaḍt-nni n yiqartajiyen, ttmeslayen Talibikit( libique), taneggarut –a d yiwet n tmeslayt ger tid n yimaziɣen.

Tameslayt-agi agemmay-is yemgarad ɣef win n trumanit d win n tlatinit, mazal yettwasexdem ɣer yitergiyen maca nutni qqaren-as Tifinaɣ.

Aɣelluy n Umenkud arumani

Si lexṣas n lɛeskar d yisafaren n temḥaddit irumaniyen ɣlin, ula d tadamsa ulac temmut maḍi, ulzuz n wagrakal iruḥ-as i rum, tin yernan ɣer wuguren-agi yekker-it yimerzi ɣef leḥkem dɣa din i yufan tawwurt waɛraben zeḍmen-d ɣef tefriqt n ugafa.

D tasuɣilt 
sɣur Ceɛvan At Ḥmed

1 commentaire:

  1. taferka negh tafriqt , vou irat negh tuvirets ,tssadsayem a leqvayel

    RépondreSupprimer

Fourni par Blogger.