Tadukli-Tagmat-Tilelli


ANALYSE (Monde Kabyle).

Azul

S yisem-iw d ameɣnas n tugdut, d ameɣnas n tlelli, d ameɣnas yettnaɣen ɣef tlelli d tmunent n Tmurt n Leqvayel, vɣiɣ ad iniɣ i watmaten-nneɣ Imaziɣen anda ma llan dakken tamurt n Leqvayel attan ɣer tama-nwen, ihi sya si tmurt-nneɣ ad iniɣ i watmaten-nneɣ Irifiyen d Yisusiyen id yeffɣen tameddit n wass-a am wakken id ttefɣen yal ass di temnaḍin yemxallafen n tmurt-nsen dakken aqlaɣ ɣer tama-nwen. 

azaglu i kenn-yecqan yecqa-yaɣ ula d nekkni, amennuɣ-nwen d umennuɣ-nneɣ d yiwen, nekkat akk akken ad nekkes tamdelt i ɣerran yidavuyen yeṭṭfen timura n Tmazɣa .
Tagelda n Lmaxzen akk d tegduda n Leẓẓayer ssemrasent yiwet n tsertit, d tin n meḥḥu n yiɣerfan inaṣliyen n tmura n tmazɣa, ass-a yewweḍ-d wass i deg ara d-nsuɣ ala i wengar n tara, ad idiren iɣerfan iḥruṛen n Tmazɣa.

ɣas idavuyen-agi ssemrasen tasertit n tehrest d udebbuz maca nekkni d iɣerfan n tɣerma, nessen azal n umdan ur nelli d win yessemrasen Takreḍt, nekkni avrid-nneɣ d avrid n Telwit, nugi tazla n yidamen, neɛya deg-s, neɛya deg uvellaɛ n yidem ; nextar avrid n tsertit, avrid n yimru, acku imennuɣen id yettilin deg umaḍal sumata d wid n telwit, ur d yeqqim ara tura umennuɣ s tekreḍt d thersa, ɣas iduva-agi ur aɣ-zmiren ara s umennuɣ aserti, ɣas nutni ssemrasen adebbuz, d rrṣas, leḥbas maca nekkni ur nkeččem ara deg wurar-nsen.
Yenna umedyaz deg wawal-is, amennuɣ s terṣasin win-akken i tirefden yecceḍ, ihi nnaɣ-t s tiktiwin win ur nessin ad yissin . 


Ihi sya si tmurt n Leqvayel ad greɣ tiɣri i yakk Imaziɣen anda ma llan akken ad sdukklen iɣallen-nsen akken ad nekkes tiɛekmin d yizugla id sseɣlin fell-aɣ yiduva-agi.
Ad tidir tmazɣa, ad yidir Rrif, ad tidirt Tmuert n Leqvayel, ad idiren iɣerfan n tmazɣa anda ma llan . 



Ceɛvan At ḥmed 

Aucun commentaire

Fourni par Blogger.